7 нче май - бөек татар җырчысы, татар музыка сәнгатенең иң куренекле шәхесләренең берсе, ТАССРның атказанган артисты, ТАССРның халык артисты - Рәшит Ваһаповның туган көне. Шушы  көнне  җырчының тууына 111 ел тулуга багышлап, Казан шәһәре Совет районының 171 нче мәктәбендә Рәшит Ваһапов исеммендәге сыйныф-музей ачылды.
Музей ачылышында  җәмәгать һәм сәясәт эшлеклесе, татар шагыйре, язучы, дәүләт советы депутаты- Рәзил Вәлиев, шагыйрь, Тукай премиясе лауреаты-Ренат Харис, Рәшит Ваһапов фонды җитәкчесе -Рифат Фаттахов, халык җырчылары - Зөһрә Сәхәбиева, Миңгол Галиев, Фердинанд Сәләхов катнаштылар.
Әлеге музей,  мәктәп директоры Рания Накиповна Галиәкбәрова идеясе һәм тырышлыгы белән ачыла. Музейга экспонатлар мәктәп хезмәткәрләре, Рәшит Ваһаповның туганнары, Актук авылы халкы ярдәмендә җыелган.  Экскурсияне мәктәп укучлары алып бара ... Читать дальше »