6 нчы февраль көнне "11 нче татар гимназиясе” базасында "Гуманитар цикл дәресләрендә ФДБСны тормышка ашыру” дигән темага район семинары узды. Семинар кысаларында татар теле һәм әдәбиятыннан 2 дәрес үткәрелде.
Хафизова З.М. 5б сыйныфы укучылары  белән "Әдәби туган як” дигән темага дәрестән тыш эшчәнлек күрсәтте. Укучылар якташ әдипләренең тормыш һәм иҗат юлы буенча проект эшен башкардылар. Үзләре иҗат иткән шигырьләрне укыдылар, килгән кунаклардан интервью алдылар. Гимназиянең "Каурый каләм” газетасының мөхәррире Антонов Ренат якташ әдипләре Мәхмүт Хөсәеннең "Кытай дусыма” дигән шигырен кытай теленә тәрҗемә иткән, җырчы-шагыйрь шигырьләренә музыкаль тезмә язган. Дәрестән тыш эшчәнлек иҗади күтәренкелек, үзара хезмәттәшлек шартларында үтте.
Хәкимуллина Х.Р. 5а сыйныфында "Хикәя җөмлә” дигән темага ачык дәрес үткәрде. Яңа белемнәрне үзләштерү дәресендә укучылар күп төрле эшчәнлек төрләрен башкардылар: фоторәсемнәргә карап, кышкы спорт төрләренә бәйле җөмләләр төзеделәр, "Сабантуй” журналыннан биремнәр башкардылар, үз белемнәрен бәяләделәр. Дәрестә төрле милләт балалары татар теленнән алган белемнәренең   системалы булуын күрсәттеләр, биремнәргә тулы, төгәл һәм төпле җаваплар бирделәр ... Читать дальше »