Казан шәһәре Совет  районы 180 нче күп профильле  полилингваль  гимназиясендә  туган тел һәм әдәбият укытучыларының семинары  булып узды. Семинар эшендә  шәһәр методик берләшмә җитәкчесе Хәмидуллина Л.С. һәм район туган тел һәм әдәбият укытучыларының  методик берләшмә җитәкчесе Ваганова А.И. катнаштылар.
Башлангыч сыйныф укучыларына татар телендә сөйләм күнекмәләрен өйрәтү методикасы буенча  "Валерия  Мещерякова системасы” курсын  узган  тьютор  буларак, Альбина Ваганова  системаның үзенчәлекләре, өстенлекләре турында  тәфсилләп сөйләде. Блум технологиясенә нигезләнеп төзелгән,  169 нчы урта гомуми белем мәктәбенең югары категорияле туган тел һәм әдәбият укытучысы Хәмидуллина Л.С.ның  мастер-классы да уңышлы булды.

Бердәм, тату коллектив заман белән бергә атлый, җәмгыятьтә барган үзгәрешләрне  уңай кабул итә, заманча укыту технологияләреннән киң файдаланып  эшлиләр, диде  директор урынбасары  Валиуллова Л.Х.