 Бөтендөнья татар хатын - кызларының "Ак калфак” иҗтимагый оешмасы, Казан шәһәренең " Ак калфак” оешмасы, Совет районының мәгариф идарәсе балалар бакчаларында тәрбияләнүче 6-7 яшьлек балалар арасында " Татар кызчыгы” бәйгесе игълан итте. 3 нче апрель көнне "Абдулла Алиш исемендәге 20 нче гимназиясе” базасында Совет районының балалар бакчаларында тәрбияләнүчеләр сайлап алу этабында катнаштылар. Барлыгы 15 нәни кызчык көч сынашты. Алар үзләре белән таныштырганнан соң, " Нәни кул остасы” номинациясендә төрле кул эшләнмәләрен тәкъдим иттеләр, йомгак чорнауда ярыштылар. Ә бәйгенең 3 нче биреме – ул милли йолаларыбызны, гореф-гадәтләребезне сәхнәлештерү иде. Монда да бәләкәй кызчыкларыбыз сынатмадылар. Алар " Бәби йоклату”, " Каз өмәсе”, " Чәй табыны” һ.б йолаларны бик матур итеп күрсәттәләр. Нәтиҗәләр түбәндәгечә билгеләнде:
Гран –прига Гыйбадуллина Назилә, 114 нче балалар бакчасы, лаек булды.
I урын – Хайруллина Инзилә, 213 нче балалар бакчасы;
II – Әскәрова Азалия, 175 нче балалар бакчасы;
Шакирова Ясминә, 112 нче балалар бакчасы;
III – Мөхәммәтҗанова Зәринә, 67 нче балалар бакчасы;
Дадажонова Саидә, 175 нче балалар бакчасы.
Шәһәр бәйгесендә катнашу хокукына Гран-при һәм I –II нче урыннарга ия булган балалар лаек булды.
Бөтендөнья татар хатын - кызларының " Ак калфак” иҗтимагый оешмасының Казан шәһәре буенча җитәкчесе Рәхимә Арсланова | 
