27 нче августа 20нче гимназия базасында татар теле һәм әдәбияты укытучыларының, мәктәп методик берләшмә җитәкчеләренең август киңәшмәсе  уздырылды. Киңәшмә "Татар теле һәм әдәбияты дәресләрендә белем бирү сыйфатын яхшыртуның шарты буларак укучыларның тел һәм коммуникатив компетентлыгын үстерү” дигән темага багышланды.  Киңәшмәдә Насыйбуллина Э.Ш. (79 нчы мәктәп), Зарипова Л.Ф. (161 нче мәктәп), Харисова Р.Х. (174 нче мәктәп), Шәмсетдинова А.Г., Әхмәдуллина Р.Ф.(141 нче мәктәп),Төхвәтуллина И.М. (72 нче мәктәп), Гарифуллина Л.И. (84 нче мәктәп), Елгушова В.Я. (8 нче гимназия) чыгыш ясады, бүгенге көндә актуаль булган федераль дәүләт белем стандартларын гамәлгә кертү, дәүләт йомгаклау аттестациясенә әзерлек мәсьәләләре яктыртылды. Бу проблемалар белән һәр укытучы якыннан таныш булганлыктан, күтәрелгән темалар зур кызыксыну уятты, катнашучыларны фикер алышуга этәрде. Милли эшләр буенча методистлар   Сәйфетдинова Г.И. "ФДБС таләпләре нигендә дәрескә педагогик-психологик анализ ясау”,  Шакирова Г.М. " Заманча белем бирү технологияләре нигезендә татар теле һәм әдәбияты укытучыларының һөнәри компетентлыгын үстерү” дигән темага чыгыш ясадылар. Шулай ук узган уку елына нәтиҗә ясалды, алда торган  бурычлар, шулар нигезендә киләсе уку елына  план белән таныштырылды.
Утырышта катнашкан барлык укытучыларга, конференцияне уздыру өчен шартлар тудырган 20 нче гимназия администрациясенә  рәхмәт белдереп, сәламәтлек, эшләрендә  зур уңышлар теләп калабыз.