Татар теле һәм әдәбияты укытучыларының эшен нәтиҗәле оештыру, алдынгы педагогик тәҗрибә уртаклашу, мөгаллимнәрнең профессиональ компетентлыгын үстерү максатыннан районыбызда методик берләшмә советы эшләп килә. Берләшмәнең чираттагы,Туган тел көненә багышланган утырышы, милли музейда "Илһам чишмәсе” әдәби – иҗат оешмасы белән берлектә узды. Музей хезмәткәрләре безне тарихи сукмаклар аша алып барып, татар халкының үткәне белән таныштырганнан соң, утырышыбыз, кечкенә генә сәхнәсе булган, зәвыклы гына залда дәвам итте. Кичәбездә 11нче гимназия укучылары күренекле шагыйрьләрнең , "Илһам чишмәсе” әдәби-иҗат берләшмәсе әгъзалары үзләренең шигъри тәлгәшләрен тәкъдим иттеләр. Укытучылар туган телебез, аның киләчәге турында уй-фикерләре белән уртаклаштылар.Чыгышлар җыр,моң белән үрелеп барды.

 

Кичә ахырында районыбыз методик берләшмә җитәкчесен (ул инде 10 нчы ел бу вазифаны зур тырышлык белән башкарып килә) Измайлова Миннегөлсем Гаделша кызын Татарстанның атказанган укытучысы исеменә лаек булуы, 175 нче мәктәп укытучысы Гаязова Энҗе Фәргать кызын «Ел укытучысы 2010” бәйгесенең шәһәр турында "Иң яхшы татар теле һәм әдәбияты укытучысы” номинациясендә җинү яулавы белән тәбрикләп, шатлыкларын уртаклаштык, аларга Совет районы мәгариф бүлеге исеменнән бүләкләр тапшырдык.

 

Совет районы мәгариф булеге, мәгълүмат – методика үзәге, татар теле һәм әдәбият укытучылары исеменнән кичәбезне уздыруда безгә ярдәм иткән өчен, халкыбызның бай тарихы,җанлы экспонатлары белән таныштырган һәм кичәбезне милли музей бинасында үткәрүгә мөмкинлек биргән өчен милли музей директоры Нәҗипова Гөлчәчәк Рәхимҗан кызына ,хезмәткәрләренә зур рәхмәтебезне белдерәсебез килә. Киләчәктә аларга иҗади уңышлар һәм яңа үрләргә ирешүләрен теләп калабыз.”Үткәнен белмәгән,милли тәрбия алмаган кешенең киләчәге юк”дип язып клдырган Шиһабетдин Мәрҗәни. Тарих эзләреннән киләчәккә өмет баглап атлар өчен Милли музейга килегез.