 2 нче октябрь көнне Дәрвишләр бистәсе балалар иҗат үзәге район күләмендә "Иң зирәк укытучы” интеллектуаль уенын уздырды. Уенда Совет районы мәктәпләренең яшь татар теле һәм әдәбияты укытучылары катнашты. 22, 15, 174, 167, 171, 72, 166 мәктәпләр, 8нче гимназия, 121, 159 нчы лицейлардан килгән 15 укытучы районның иң зирәк укытучысы исеме өчен көч сынашты. Бәйрәмнең мәртәбәле кунагы - күренекле әдәбият галиме, язучы, академик, Кол Гали исемендәге Халыкара бүләк лауреаты, Россия Федерациясенең атказанган фән эшлеклесе Миңнегулов Хатип Йосыф улы булды. Бәйгедә "Иң зирәк укытучы” исеменә 101нче мәктәп укытучысы Нутфуллин Илнар Илдус улы лаек булды. 1нче урынны 166нчы мәктәп укытучысы Батырханова Алинә Ядкарь кызы, 2 нче урынны 121 нче лицей укытучысы Гимадетдинова Ания Илдар кызы, 3 нче урынны 8 нче гимназия укытучысы Хәсәнова Айгөл Минибай кызы яулады. Бәйгедә катнашкан һәм җиңгән укытучылар район мәгариф бүлеге дипломнары белән бүләкләнде. Гран – при яулаган Нутфуллин Илнарга "Иң зирәк укытучы” кубогы тапшырылды. Җиңүчеләрне котлыйбыз! Фотографии с мероприятия: | 
