“Ел укытучысы” конкурсының район этабы | 9:14 AM |
 Шау-шулы көннәре, йокысыз төннәре белән килеп кереп, көндәлек тормышыбызга ямь өстәгән "Ел укытучысы” конкурсының район этабы да артта калды. Быел конкурста районыбызның 126нчы, 175 нче, 171 нче, 174 нче, 125 нче номерлы мәктәп- гимназияләреннән биш татар теле һәм әдәбияты укытучысы (Фәттәхова М.М., Фәтхетдинова Р.И., Газизова Д.Ф., Харисова Р.Х., Хәмидуллина Н.Г.) көч сынашты. Шушы кыска гына вакыт эчендә үзләренең педагогик осталыкларын күрсәтеп, жюри тарафыннан уңай бәяләр алып, шәһәр этабында катнашу хокукына ия булу өчен барлык укытучылар да конкурска бик тырышып әзерләнгәннәр.
Сынауларны уңышлы үтеп, конкурсның шәһәр этабында районыбыз данын яклаячак укытучыларыбыз менә алар: 175 нче мәктәпнең татар теле һәм әдәбияты укытучысы Фәтхетдинова Резедә Илдус кызы һәм 171 нче мәктәпнең татар теле һәм әдәбияты укытучысы Газизова Диләрә Фидаэл кызы. Җиңүчеләребезне чын күңелдән котлыйбыз һәм алдагы ярышларда яңа уңышлар телибез!
Конкурсны үткәрү өчен уңайлы шартлар һәм мөмкинлекләр тудыруы өчен 90 нчы гимназиянең директоры Закирҗанова Гөлсинә Данан кызына, шулай ук милли эшләр буенча директор урынбасары Сәләхова Эльвира Мәхмүт кызына һәм укытучылар коллективына чын күңелдән рәхмәтебезне белдерәбез!
Методист ИМО ГМЦ по Советскому району Г.И. Сайфутдинова
Фотографии с мероприятия:
|
Категория: Для ознакомления |
Просмотров: 2102 |
Добавил: admin
| Рейтинг: 5.0
|
