Бөек шагыйребез Г. Тукайның туган көненә багышлап районыбызда бик күп чаралар үткәрелә. Шулар  арасында  "Без - Тукай оныклары”  бәйгесе икенче ел гына үткәрелүенә карамастан, укучыларның актив катнашуы белән аерылып тора. Менә быел да беренче сыйныф укучылары  туган телебезне, яраткан шагыйребез Г. Тукайның тормышын һәм иҗатын белүдә көч сынаштылар. Берсеннән берсе остарак, берсеннән берсе акыллырак укучыларыбыз үзләренең чыннан  да Тукай оныклары икәнен күрсәттеләр, бу исемне горурланып әйтә алырга хаклы икәнлекләрен расладылар. Аларга карагач, күңелләрдә җылы хисләр, горурлану хисләре уяна;  шагыйребезгә :   "Татар милләте исән, аның киләчәге Тукай оныклары кулында !” – дип әйтәсе килә. Киләчәктә дә сынатмагыз, укучылар! Уңышлар сезгә!