"Алиш эзләреннән" исемле бөтенроссия фәнни-эзләнү конференциясе - 20 Марта 2023 - УМС ИМО УО ИК МО "Город Казань" по Советскому району

22 нче февраль көнне Абдулла Алиш исемендәге 20 нче гимназиядә "Алиш эзләреннән" исемле бөтенроссия фәнни-эзләнү конференциясе узды. Конференциядә мәртәбәле кунаклар: Халиков Илгиз Илдар улы, ТР мәгариф һәм фән министрлыгының телләр буенча идарә башлыгы; Шәмсетдинова Рәсимә Равил кызы, ф.ф.к., мәгарифне үстерү институты доценты; Әнвәр Нурәхмәт улы Хуҗиәхмәтов - педагогика фәннәре докторы, академик, Татарстан Республикасының атказанган укытучысы, халык мәгариф отличнигы; Илсияр Вазыйх кызы Иксанова, Татарстан Республикасы Язучылар берлеге рәисе урынбасары,шагыйрә,Татарстан Республикасының атказанган сәнгать эшлеклесе; Йолдыз Әдип кызы Шәрәпова, балалар язучысы, Абдулла Алиш исемендәге премия иясе; Ләбиб Лерон, язучы, журналист, Татарстанның атказанган сәнгать эшлеклесе, Ш.Маннур, А.Алиш, М.Җәлил исемендәге премия лауреаты; Рәфис Корбан, татар драматургы, балалар шагыйре, Татарстанның атказанган сәнгать эшлеклесе, Ш. Маннур һәм Абдулла Алиш исемендәге премияләр иясе; Эльмира Мөхәммәт кызы Шәрифуллина, язучы, Татарстан Республикасының атказанган сәнгать эшлеклесе, Татарстан Республикасы Язучылар берлеге әгъзасы; Абдулла Алишның туганнары-Гөлшат апа һәм Азат абый Сөнкишевлар катнаштылар. Чарада укучылар һәм укытучылар 5 юнәлеш буенча эләнү һәм ижат эшләрен тәкъдим иттеләр. Шунысы куанычлы балалар Алиш премиясе лауреатлары: Р.Корбан, Л.Шәех, Г.Гыйлманов,Й.Шәрәпова, Н.Сәйяр иҗаты буенча да чыгышлар ясадылар. Ачылу тантанасында Р.Миннуллин, Р. Арсланова шигырьләре яңгырады. Конференция бик матур һәм оешкан төстә узды.