21 нче февраль көнне 185 нче күп профильле лицейда Халыкара Туган телләр көне билгеләнеп үтте. Шул уңайдан укучылар һәм укытучылар ярдәме белән зур бәйрәм концерты булды. Чарага  "Яңа гасыр” телерадиокомпаниясе, "Мәдәни җомга” гәҗитенең журналисты Сөембикә Кашапова чакырылган иде. Бәйрәм төрле биюләр, җырлар белән үрелеп барды. Концерт "Веснушки” төркеменең татар халык биюе белән башланып китте. Чараны ачу өчен лицейның директоры – Стахеева Наталья Вадим кызына сүз бирелде. Бәйрәм концертын дәвам итеп, 2 нче сыйныф укучысы – Ямалиев Нурсолтан "Эрбет” исемле татар халык җырын башкарды (җитәкчесе – Нагибина Гөлнур Таһир кызы). Бәйрәм дәвамында "Яз” бию төркеме үзләренең рус халык биюе белән тамашачыны шатландырды. Шулай ук Т.Миңнуллинның "Гөргери кияүләре” спектакленнән өзек күрсәтелде. Бу сәхнә әсәрендә төп рольләрне башкаручылар:

Гөргери – Мишурин Владимир Геннадий улы (физика укытучысы);

Кәтернә – Сибгатуллина Зөһрә Азат кызы (тәрбия эше буенча киңәшче);
Үринә – Гыйбадуллина Алия Хәлим кызы (туган тел укытучысы);
Җаграп – Ильязов Рамил Рәис улы (тарих укытучысы);
Бәчке – Фәхертдинов Илнар Ирек улы (туган тел укытучысы);
Микуш – Замалтдинов Айнур Әсхәт улы (туган тел укытучысы);
Анук – Минабутдинова Аделина Госман кызы (тарих укытучысы);
Гөрпинә – Шна Гөлшат Фәрит кызы (туган тел укытучысы);
Куючы режиссер – Гәрәев Зөлфәт Илшат улы.

Бәйрәм кичәсе, 6 нчы сыйныф укучылары башкаруындагы (җитәкче – Фәйзрахманов Ринат Мәгъсум улы) татар халкының гимнына әйләнгән "Туган тел” җыры белән тәмамланды.

Бу бәйрәм яшь буынны тәрбияләүдә, туган телебезне саклап калуда, үстерүдә әһәмиятле урын алып тора. Киләчәктә дә үз гореф-гадәтләребезне, телебезне онытмыйча яшәсәк иде дигән өметтә калабыз.

Бәйрәмне оештыруда һәм үткәрүдә зур өлеш кертәннәре өчен лицей директоры – Стахеева Наталья Вадим кызына, уку-укыту эшләре буенча директор урынбасары – Кыямова Динара Ринат кызына, тәрбия эшләре буенча киңәшче – Сибгатуллина Зөһрә Азат кызына, метод берләшмә җитәкчесе – Гыйбадуллина Алия Хәлим кызына, туган тел укытучыларына зур рәхмәтебезне белдерәбез.