22нче февраль көнне А.Алиш исемендәге 20нче татар гимназиясендә "Алиш эзләреннән” исемле XI Бөтенроссия фәнни-гамәли конференция уздырылды. Конференцияне оештыручылар: Татарстан Республикасы Мәгариф һәм фән министрлыгы һәм ТР Мәгарифне үстерү институты. Конференциянең пленар өлешендә Казан шәһәре мәгариф идарәсе белгечләре, ТР Мәгарифне үстерү институтының галимнәре, Абдулла Алишның туганнары, Язучылар берлеге әгъзалары,  журналистлар, төрле төбәкләрдән килгән мөгаллимнәр һәм укытучылар катнашты. Конференция эше 6 секциядә дәвам итте, укучылар һәм укытучылар бик эчтәлекле чыгыш ясадылар. Әлеге чыгышлар җыентык булып басылып чыккан. Алар укучыларга бүләк ителде. Чара югары дәрәҗәдә оештырылган, бик зур эш башкарылган иде.